Fréttir

Ný grein eftir forstöðumann Sögusetursins er komin á vefinn. Um er að ræða seinni grein af tveimur um þróun hrossamarkaða erlendis en þessi misserin er beint athyglinni í skrifunum í Feyki að sögu hrossaræktar. Eins og gefur að skilja er þróun hrossamarkanna ómissandi þáttur, því til lítils er ræktunin ef ekki selst. Allt þarf þetta að haldast í hendur ef vel á að farnast.

„Í þessari grein verður fjallað um hrossasöluna hér innanlands fyrr og nú og útflutninginn sem á sér lengri og fjölskrúðugri sögu en margur hyggur. Í næstu grein verður svo fjallað sérstaklega um uppbyggingu reiðhrossamarkaða erlendis.“

Grein þessi birtist á prenti á bls. 9 í 46. tbl. Feykis þann 1. desember sl. Þetta er fjórða greinin í greinaflokki um sögu hrossaræktar sem birtast mun á síðum blaðsins næstu mánuðina eða misserin raunar má ætla, svo viðamikið er efnið sem er undir.