2025- : Hesturinn okkar: Litbrigði, ættir og saga opnaði 1. júní 2025. Þar má m.a. virða fyrir sér fróðleik um litaerfðir íslenska hestsins, ýmsa gripi tengdum merkum hestum og mönnum og skella sér í "reiðtúr" með sýndarveruleikagleraugum frá Horses of Iceland.
2018-2023: Prýðileg reiðtygi var sýning á efri hæð sögusetursins, sett upp í samstarfi við Byggðasafn Skagfirðinga og Þjóðminjasafn Íslands.
2018: Íslenski hesturinn á fullveldisöld var sett upp á Landsmóti hestamanna í Víðdal í Reykjavík sumarið 2018.
2016: Uppruni kostanna var opnuð á Landsmóti hestamanna á Hólum sumarið 2016.
2013: Rugguhestar var sýning á efri hæð setursins sem opnaði þann 17. nóvember 2013 og stóð opin út desember sama ár.
2010- : Íslenski hesturinn er hluti af grunnsýningum Sögusetursins byggð upp með leikmyndum, kvikmyndum, myndskeiðum og munum. Sýningin var sett á fót í samstarfi við Byggðasafn Skagfirðinga árið 2010.
2007- : Theodorsstofa er hluti af grunnsýningum Sögusetursins þar sem minningu Theódórs Arnbjörnssonar fyrrum hrossaræktarráðunauts er haldið á lofti. Sýningin var sett á fót í samstarfi við Byggðasafn Skagfirðinga árið 2007.
