Grein eftir forstöðumann sem birtist í 46. tbl. Feykis 2020, 2. desember sl. á bls. 9 er komin á vefinn. Þetta er tíunda Feykis greinin árið 2020 og er hér haldið áfram með umfjöllun um innreið íþróttakeppna í íslenska hestamennsku og á hvern hátt skóluð reiðmennska tók að ryðja sér til rúms smátt og smátt.
Allar Feykisgreinarnar eru aðgengilegar hér á heimasíðu SÍH undir slánni Fræðsla/Greinar forstöðumanns í Feyki en þetta er þriðja árið sem greinar frá SÍH birtast samfellt í blaðinu. Þarna er m.a. að finna grein úr 5. tbl. nú í ár: Fáein orð um reiðfatnað en einmitt á þeim tíma sem hér er verið að fjalla um, 1970 og árin þar á eftir, urðu þáttaskil hvað reiðfatnað varðaði þegar félagsbúningar og enski reiðjakkinn náði almennri fótfestu hér á landi. Knapinn á myndinni með þessari grein er einmitt klæddur upp á þann mátann.
Á myndinni hér til hliðar má sjá Sigurfinn Þorsteinsson á Núpi frá Kirkjubæ, sigurvegara í A-flokki gæðinga á landsmótinu 1974. Sigurfinnur er verðugur fulltrúi nýrrar kynslóðar keppnismanna sem fram kom um 1970; keppandi á Evrópumótum o.m.fl. Mynd úr safni SÍH úr Íslenski hesturinn, útg. MM og SÍH, 2004, bls. 260. Ljm. Friðþj. Þorkelss.
