27.03.2026
Verkefnið Sunnudagar á safni, sem er hluti af samstarfi safna hjá SSNV, heldur áfram sunnudaginn 26. apríl, en þá færist dagskráin í Skagafjörð. Markmið verkefnisins er að efla samstarf safna, setra og sýninga á Norðurlandi vestra og bjóða íbúum og gestum upp á sérstaka menningarupplifun yfir vetrartímann, þegar margir þessara staða eru annars lokaðir.
Opið verður hjá Sögusetri íslenska hestsins á Hólum kl. 13–18 og í tilefni dagsins verður aðgangseyrir aðeins 1000kr!
Klukkan 16 heldur Kristín Halldórsdóttir, verkefnastjóri setursins, erindi um litarerfðir íslenska hestsins, þar sem gestir geta komið og spjallað og kafað aðeins dýpra í efnið.
Þetta verður upplifun og fræðsla fyrir öll sem hafa áhuga á sögu, menningu og hestinum okkar. Við hvetjum fólk til að nýta sér þetta frábæra tækifæri!
