Sögusetur íslenska hestsins hefur nú opnað dyr sínar fyrir sumarið - verið velkomin í heimsókn!
Setrið verður opið alla daga, nema mánudaga, kl. 11-17.
Aðgangseyrir árið 2026 helst óbreyttur frá því í fyrra:
- 1.500 kr. fullorðnir
- 1.300 kr. hópar, nemendur og eldri borgarar (67+)
- 0 kr. börn (0-17 ára)
Opnunargjald utan auglýsts opnunartíma setursins er 10.000 kr.
Á grunnsýningunni Íslenski hesturinn, sem er byggð upp með leikmyndum, kvikmyndum, myndskeiðum og munum er stigið aftur í tímann og mikilvægi hestsins skoðað í sögulegu samhengi. Þar má einnig berja Theodorsstofu augum þar sem minningu Theódórs Arnbjörnssonar fyrrum hrossaræktarráðunauts er haldið á lofti.
Á efri hæð setursins er sýningin Hesturinn okkar: Litbrigði, ættir og saga, tímabundin sýning sem opnaði árið 2025. Þar má m.a. virða fyrir sér fróðleik um litaerfðir íslenska hestsins, ýmsa gripi tengdum merkum hestum og mönnum.
