Gamla hesthúsið í hjarta Hólastaðar hýsir Sögusetur íslenska hestsins.
Á grunnsýningunni Íslenski hesturinn, sem er byggð upp með leikmyndum, kvikmyndum, myndskeiðum og munum er stigið aftur í tímann og mikilvægi hestsins skoðað í sögulegu samhengi. Þar má einnig berja Theodorsstofu augum þar sem minningu Theódórs Arnbjörnssonar fyrrum hrossaræktarráðunauts er haldið á lofti. Báðar sýningarnar voru settar upp í samstarfi við Byggðasafn Skagfirðinga.
Á efri hæð setursins er sýningin Hesturinn okkar: Litbrigði, ættir og saga. Þar má m.a. virða fyrir sér fróðleik um litaerfðir íslenska hestsins, ýmsa gripi tengdum merkum hestum og mönnum og skella sér í "reiðtúr" með sýndarveruleikagleraugum frá Horses of Iceland.
Opnunartími
- 1. júní - 30. ágúst: Opið kl. 10-16 (lokað á mánudögum)
- 1. september - 31. maí: Lokað
Aðgangseyrir 2025
- 1.500 kr. fullorðnir
- 1.300 kr. hópar, nemendur og eldri borgarar (67+)
- 0 kr. börn (0-17 ára)
Opnunargjald utan auglýsts opnunartíma setursins er 10.000 kr.