Fréttir

Laugardaginn 3. desember sl. var haldin ráðstefnan Íslensk hrossarækt í 100 ár í reiðhöll hestamannafélagsins Spretts á Kjóavöllum. Markmið ráðstefnunnar var tvíþætt; annars vegar að fara yfir sögu og þróun hrossaræktarinnar og stöðuna í dag og hins vegar að líta fram á veginn; ræða þróun ræktunarmarkmiðsins og dómstarfa á kynbótasýningum. Ráðstefnan samanstóð af fyrirlestrum og hópavinnu. Félag hrossabænda, Háskólinn á Hólum, Matvælastofnun, Ráðgjafarmiðstöð landbúnaðarins og Sögusetur íslenska hestsins stóðu að ráðstefnunni. Ráðstefnustjóri var Ágúst Sigurðsson. Á gagnabankanum hér á heimasíðunni má finna flest erindin sem flutt voru á ráðstefnunni.

Laugardaginn 3. desember var haldin ráðstefna um íslenska hrossarækt í reiðhöll Spretts, á Kjóavöllum. Kristinn Hugason, forstöðumaður Söguseturs íslenska hestins, hélt þar erindi um hrossarækt á Íslandi í 100 ár.

Uppruni kostanna er ný föst yfirlitssýning í Sögusetri íslenska hestsins. Hægt er að nálgast upplýsingar um hana hér á heimasíðunni.