10.01.2018
Á árinu 2018 er margt nýtt á döfinni hjá Sögusetri íslenska hestsins en setrið er m.a. með verkefni á dagskrá aldarafmælisárs fullveldis Íslands sem heitir Íslenski hesturinn – þjóðarhesturinn – efling og uppgangur við fullveldi. Þá vinnur SÍH í samvinnu við Bókaútgáfuna Sæmund að endurútgáfu hins merka rits, Samskipti manns og hests eftir Ásgeir Jónsson frá Gottorp. Á fleira mætti minnast en verður þetta látið nægja í bili.
Sýningar SÍH verða svo opnaðar í byrjun júní. Næstu mánuðina er engin skipulögð opnun fyrirhuguð en tekið verður á móti hópum sem áhuga hafa á að skoða sýningarnar og þeim veitt leiðsögn. Slíka þjónustu þarf að panta með fyrirvara með því að hafa samband við Kristin Hugason forstöðumann setursins, gsm. 891 9879, tölvupóstur khuga@centrum.is eða sogusetur@sogusetur.is
